Mbyllen 14 shkolla pasi 130 nxënës të infektuar me Covid-19.

Në shkollën fillore “Xhemail Mustafa” në kryeqytet kanë rezultuar 18 nxënës pozitiv me virusin korona.

Këtë të marte nxënësit e shkollës fillore “Xhemail Mustafa” në Prishtinë kanë qëndruar në shtëpi.

18 nxënës të kësaj shkolle e 4 mësimdhënës kanë rezultuar pozitiv me COVID-19.

Kësisoj drejtoresha e shkollës ka thënë që kanë filluar të mbajnë mësim virtualisht.

Kjo nuk është shkolla e vetme në kryeqytet që është mbyllur për shkak të rasteve pozitive.

E i pari i Prishtinës, Shpend Ahmeti ka treguar për mënyrën se si po merret vendimi për mbylljen e shkollave në kryeqytet.

Ahmeti po thotë që kryeqyteti po funksionon mirë me këtë sistem.

Por pikërisht nga ky vend prijnë rastet pozitive me virusin korona nëpër shkolla.

E në nivel të Kosovës, 130 nxënës e 148 mësimdhënës janë infektuar.

Kësisoj 14 objekte shkollore në vend janë mbyllur, për të vazhduar mësimin online.

Ndonëse versioni i të mbajturit mësim virtualisht është praktikuar prej fillimit të pandemisë, njohësit e arsimit po vlerësojnë që nuk po është aq efektiv.

Nga Ministria e Arsimit kanë thënë që masa të ngjashme do të merren deri në një vendim tjetër nga ana e autoriteteve arsimore.

Komento:

	Komenti