Deputetët e PDK’së e ‘mbrojtën’ shtëpinë e Thaçit gjatë bastisjes nga hetuesit e Speciales.

Hetuesit e speciales bastisin shtëpinë e ish-presidentit Hashim Thaçi për 8 orë rresht.

Ishin aty që nga ora gjashtë e mëngjesit.

Kështu hetuesit e speciales kishin filluar të bastisin shtëpinë e ish-presidentit Hashim Thaçit i cili një ditë më parë u dërgua në Hagë.

E për të siguruar perimetrin jashtë shtëpisë u përkujdesën Policia e Kosovës.

Lëvizjet e para hetuesit e speciales i bënë pas disa orësh, ata u panë që nga aty të largohen më një çantë.

Ndërkohë, tek shtëpia e Thaçit më pas erdhën edhe disa nga anëtarët e Partisë Demokratiket të Kosovës.

I pari që u shfaqë këtu ishte deputeti Abelard Tahiri.

Pas tij atu u panë edhe Adem Grabovci , Ganimete Musliu dhe mbesa e Hashim Thacit, Evgjeni Thaçi.

Kurse pas afro 8 orësh bastisje , veturat e Eulex të cilat qëndruan jashtë shtëpisë u futën brenda.

Në ato vetura u panë që zyrtarët të speciales futën çantat që u nxorën nga shtëpia e ish-presidentit.

Kështu afro orës katër pasdite veturat e Eulex u larguan.

E para mediave doli njëri nga avokatët e Hashim Thaçit, Dastrit Pallaska.

Ai tha se se bastisja ka përfunduar dhe se arsyet e kësaj bastisje ai i quajti si të përgjithshme.

Ai tha se mbetët e paqartë se si është e mundur që të kryhen bastisje pas konfirmimit të aktakuzës.

Ish-presidenti Hashim Thaçi një ditë më parë u transferua në Hagë pas që Gjykata Speciale konfirmoi aktakuzën ndaj tij.

Komento:

	Komenti