Kuvendi me shumë Gazmenda, e me pak “Gazmend”.
Syla, Bytyçi, Abrashi e Gjyshinca, ishin Gazmendët e legjislaturës së shtatë të Kuvendit të Kosovës
Gazmendi, për herë të parë sivjet hyri në Kuvendin e Kosovës.
Është ky, deputeti i AAK-së, Gazmend Syla, që në zgjedhjet e 6 tetorit, mori afër 8 mijë vota.
Deri në këto zgjedhjet, Syla seancat plenare, i kishte përcjellë vetëm nga televizori.
Prandaj, momenti i betimit për të, ishte tejet i veçante.
Për dallim nga deputetët e legjislaturave të kaluara, Gazmendi pati fatin ndryshe.
Gjatë gjithë kohës sa shërbeu si deputet, vendi u përball me pandeminë Covid 19.
Prandaj, edhe situata në Kuvend ishte shumë më ndryshe.
Por, edhe gjatë pandemisë, Gazmendi thotë që nuk munguan momentet gazmore.
Një të tillë, e ndau edhe me T7.
Ndërkohë, Syla nuk është Gazmendi i vetëm në Kuvendin e Kosovës.
Fat të njëjtë më të, kishte edhe deputeti i PDK-së, Gazmend Bytyçi.
Bytyçi thotë se pret me shumë gazmend në legjislaturën e ardhshme.
E njëjtë sikurse emri, këta dy gazmenda i bashkon edhe ideja që të garojnë përseri për deputetë në zgjedhjet e ardhshme.
Me po të njëjtin emër, por me parti të tjetër, është edhe Gazmend Gjyshinca nga Vetëvendosje dhe Gazmend Abrashi nga AAK.
Pavaresisht që ky kuvend në këtë legjislaturë kishte 4 gazmenda, duket që ata dhe deputetët e tjerë nuk arritën t’i sjellin diçka të tillë kuvendit.
Kjo pasi legjislatura e shtatë, do të mbahet në mend për shumë dështime, anulim të seancave dhe ballafaqim me pandeminë covid 19.
E të këtij mendimi, janë edhe vet ata.
Gazmend Bytyçi, deputet nga PDK