Lajmërohet Komuna e Prishtinës duke thënë se mirëmbajtja e rrugëve po bëhet pandërprerë.

Pas kritikave të shumta për moslargimin e borës nga rrugët e Prishtinës dhe fshatrat përreth, ka reaguar Drejtoresha e Drejtorisë së Shërbimeve Publike, Mbrojtjes dhe Shpëtimit në Komunën e Prishtinës, Medina Braha.

Sipas saj rrugët po pastrohen pandërprerë, teksa thotë se në process janë angazhuar 9 operatorë, 6 operatorë për pjesën urbane dhe 3 për atë rurale.

Tutje, Braha thotë se “ me këto temperatura të ulëta ndikimi i kripës është minimal”.

Deklarata e saj e plotë:

Mirëmbajtja e rrugëve dhe trotuareve është bërë pandërprerë gjatë tërë ditës e natës së djeshme dhe po vazhdon edhe sot.

Kemi qenë vazhdimisht në koordinim me KKZ duke lehtësuar shpërndarjen e materialeve në vendvotimet brenda komunës sonë.

Veçanërisht asistim më i madh është ofruar në pjesët rurale ku reshjet kanë qenë më të mëdha.

Materiali i nevojshëm për votim ka arritur me kohë në të gjitha vendvotimet atje.

Njëjtë, asistimin e nevojshëm do ia ofrojmë KKZ edhe pas mbylljes së vendvotimeve.

Kemi të angazhuar 6 operatorë për pjesën urbane dhe 3 për atë rurale.

Mirëpo, me këto temperatura të ulëta ndikimi i kripës është minimal.

Erërat e konsiderueshme poashtu e vështirësojnë gjendjen sepse e bartin një pjesë të borës së larguar përsëri në rrugë.

Prandaj, bëjmë thirrje për kujdes të shtuar në trafik dhe respektim të rregullave për vozitje në dimër.

Rrugët e papastruara nga bora kanë vështirësuar qarkullimin edhe në komunat e tjera të vendit.

Komento:

	Komenti