Takim burrash në Bruksel.

Dy burrat me postet më të larta të Kosovës, Albin Kurti dhe Besnik Bislimi, janë sot në tavolinën ku do të vendoset për të ardhmen e dialogut Kosovë-Serbi, prej të cilit pritet pajtimi.

Dy burra përfaqësojnë edhe Serbinë, njofton Klan Kosova.

Presidenti Aleksandar Vuçiq është përballë Kurtit dhe Bislimit bashkë me vartësin e tij, ministrin e Jashtëm Nikolla Selakoviq.

Por, një përfaqësimi i tillë ‘burrëror’ s’është vetëm nga vende ballkanike.

Edhe europianët e Unionit në krye të procesit kanë emëruar dy burra.

Josep Borrell si përfaqësues i Lartë i Politikës së Jashtme dhe Sigurisë së BE-së bashkë me të dërguarin Special për dialogun Kosovë-Serbi, Miroslav Lajçak, ishin në krye të tavolinës si lehtësues të një procesi që e quajtën aspak të lehtë, por i domosdoshëm për Kosovën dhe Serbinë nëse duan të bëhen pjesë e familjes europiane.

Dialogu është parë çdoherë si një “përballje” burrash meqë ata kanë qenë në krye të vendimmarrjes të Kosovës dhe Serbisë.

E vetmja përfaqësuese e Kosovës ka qenë Edita Tahiri si lidere e Kosovës në aspektin teknik.

Po ashtu, nga BE-ja gra ndërmjetëse të procesit ishin Catherine Ashton dhe Frederica Mogherni.

Komento:

	Komenti