Në “Debat Plus” është diskutuar për situatën në të cilën ndodhet televizioni publik.
Kryetari i Sindikatës së Pavarur të RTK-së, Fadil Hoxha ka hedhur akuza në drejtim të Bordit të RTK-së për keq menaxhimin e situatës financiare në transmetuesin publik.
“Në vitin 2019 kur Mentor Shala e dorëzon përgjegjësinë tek të tjerët RTK ka pasur 5.2 milionë euro borxhe. Vet Ngadhënjim Kastrati e pranoi në Komision që rreth 5.2 milionë euro borxhe i ka gjetur kur ka pranuar detyrën. Askush nuk ka dhënë përgjegjësi për këto borxhe”.
Hoxha thotë se për vite të tëra në RTK janë bërë punësime të pakontrolluara.
“Është obligim i Bordit të RTK-së që shpenzimet nuk guxojnë të tejkalojnë të hyrat. Nëse shpenzimet tejkalojnë të hyrat Bordi shkarkohet. Për vite të tëra në RTK ka pasur tejkalim të shpenzimeve për shkak të punësimeve të pakontrolluara. Janë blerë produkte pa kontroll. Po ashtu janë bërë kontrata pa kontroll”.
Kryetari i Sindikatës së Pavarur të RTK-së thotë se në televizionin publik janë të punësuar më shumë se 800 punëtorë me kontrata të rregullta.
Fadil Hoxha thotë se pavarësisht se RTK ka 1000 punëtorë, në televizion ka sektorë që nuk kanë punëtorë.
“RTK ka 800 punëtorë të rregullt. Mbi 200 bashkëpunëtorë të jashtëm dhe punësimet nuk janë ndalur asnjëherë”, deklaroi ndër të tjera Fadil Hoxha.
8 °C
