LVV zyrtarizon Arben Vitinë në garën për kryetar të Prishtinës.

Këshilli i Përgjithshëm i Lëvizjes Vetëvendosje është duke mbajtur takim, në të cilin do të zyrtarizohen emrat e kandidatëve të këtij subjekti politik për kryetarë të komunave në zgjedhjet e 17 tetorit.

Ashtu siç kishte shkruar Telegrafi, dy ditë më parë, burime brenda këtij takimi bëjnë të ditur se ky organ partiak i LVV, tashmë ka zyrtarizuar kandidaturën e Arben Vitisë për kryetar të Prishtinës.

Gjithashtu pritet të zyrtarizohen kandidaturat edhe të kryetarëve aktualë të Prizrenit dhe Podujevës, Mytaher Haskuka dhe Shpejtim Bulliqi, transmeton Telegrafi.

Kreu i LVV-së, një ditë më parë ka konfirmuar kandidaturën e deputetes Mimoza Kusari Lila për kryetare të Gjakovës.

Deri tani në garë për kryetar të Prishtinës, subjektet politike kanë konfirmuar kandidaturat e Përparim Ramës (LDK), Uran Ismailit (PDK), Daut Haradinajt (AAK) dhe Selim Pacollit (AKR).

Komento:

	Komenti