Mbi 1 milion testime të kryera që nga fillimi i pandemisë në Kosovë.

Që nga rasti i parë pozitiv me COVID-19 në mars të vitit të kaluar deri më tani në vendin tonë janë kryer mbi 1 milion testime nga Instituti Kombëtar i Shëndetësisë Publike, shkruan Express.

Në 24 orët e fundit janë testuar 10,609 persona duke arritur në shifrën e 1,032,013 testimeve të kryera që nga 13 marsi. Nga këto testime të bëra në 24 orët e fundit, 1 mijë e 278 raste kanë rezultuar pozitiv me COVID-19.

Ndërsa që nga fillimi i pandemisë në vendin tonë, 2 mijë e 605 persona kanë vdekur si pasojë e COVID-19.

Ndryshe, Shërbimi Spitalor dhe Klinik Universitar i Kosovës ka bërë të ditur se më 4 shtator në spitalet dhe klinikat ku trajtohen pacientët me koronavirus janë të shtrirë 1.171 pacientë, prej tyre 1.044 janë të konfirmuar me koronavirus.

Sipas raportit ditor, 73 pacientë janë në kujdes intensiv, ndërkaq 978 janë duke u trajtuar me oksigjeno-terapi.

Komento:

	Komenti