Gjatë 24 orëve të fundit, në Shqipëri janë shënuar 62 raste të reja, ndërkaq ka vdekur një person nga koronavirusi.
Sipas Ministrisë së Shëndetësisë, janë 1,861 qytetarë aktivë me COVID-19 në të gjithë Shqipërinë, prej të cilëve 16 po marrin trajtim në spitalin COVID 3.
Gjatë 24 orëve të fundit, janë shëruar 415 qytetarë, duke e çuar numrin e të shëruarve në 323,692 që nga fillimi i epidemisë.
Numri total i të prekurve me koronavirus ka arritur në 329,137, ndërsa i të vdekurve është 3,584.