Manastiri i Deçanit ka rishpërndarë edhe një herë qëndrimin e sotëm të Dioqezës së Rashkës lidhur me ngjarjet në Manastirin e Banjskës në Zveçan të cilin grupi terrorist e ka shfrytëzuar për t’u pozicionuar në sulmet kundër Policisë së Kosovës.

Në këtë reagim thuhet se Dioqeza e Rashkës ka dënuar fuqishëm dhe në mënyrë eksplicite sulmin e armatosur nga “sulmues të paidentifikuar të armatosur rëndë”, ndaj Policisë së Kosovës.

Gjithashtu theksohet se Kisha “ka dënuar ndërhyrjen me forcë të personave të armatosur në manastirin e Banjkës” të cilët kanë rrezikuar jetën e klerit dhe 40 pelegrinëve që kanë qenë të pranishëm në liturgjinë e të dielës.

“Paqja dhe rendi duhet të ruhen në Kosovë dhe të gjithë qytetarët të mbrohen në mënyrë adekuate”, thuhet në reagim.

Earlier today the #Serbian #Orthodox #Church in #Kosovo strongly and explicitely condemned today’s armed assault by unidentified heavily armed assailants on #Kosovo police. The Church also denounced the forceful intrusion by armed individuals into the Banjska monastery,… pic.twitter.com/ItgkiBE0S3

— Dečani Monastery (@DecaniMonastery) September 24, 2023

 

Komento:

	Komenti