Një person ka rënë nga një ndërtesë në Prishtinë, ku si pasojë ka gjetur vdekjen.

Rastin e ka konfirmuar zëdhënësja e policisë për rajonin e Prishtinës, Flora Ahmeti. E njëjta ka bërë të ditur se rasti ka ndodhur sot në mëngjes rreth orës 09:30 në lagjen “Mati”.

“Sot rreth 09:30, kemi pranuar informatën se në lagjen Mati në Prishtinë, një person ka rënë nga një ndërtesë.

Viktimë në këtë rast është një person (mashkull), vdekjen e të cilit e ka konstatuar ekipi mjekësor në vendngjarje”, tha Ahmeti për Reporteri.

“Aktualisht hetuesit policor në koordinim me prokurorinë përkatëse janë duke punuar për të sqaruar të gjitha rrethanat që lidhen me rastin”, tha zëdhënësja e policisë.

Komento:

	Komenti