Një propozim i ri, ku në të përfshihet edhe drafti për Asociacionin u është dorëzuar palëve në Prishtinë dhe Beograd në tetor nga një delegacion i përbashkët i Shteteve të Bashkuara, BE-së, Gjermanisë, Italisë dhe Francës.
Atë propozim, Bashkimi Evropian e konsideron si “plan modern evropian” dhe ka insistuar që palët ta pranojnë.
Draft Statutin për Asociacionin e kanë pranuar dhe partitë opozitare.
Kopje të atij drafti kanë qarkulluar në media, por zyrtarisht vazhdon të mos jetë e qasshme për publikun.
Nëse është pikërisht kryeministri Albin Kurti, ai që do të arrijë një marrëveshje përfundimtare me Serbinë, Front Online ka pyetur ish-kryenegociatorin, Avni Arifi.
Ai në një përgjigje për Front Online ka thënë shkurtimisht që nuk e ka iniciuar ende askush për të arritur verdikt përfundimtar mes dy palëve.
“Kurti është në proces të arritjes së marrëveshjes për normalizim dhe askush nuk po e quan marrëveshje përfundimtare, as Kurti. Nuk po shoh që dikush ka iniciuar proces të tillë”, u shpreh ai për Front Online.
Ndryshe, Marrëveshja e fundit mes Kosovës dhe Serbisë, është ajo për energjinë që parasheh që qytetarët në veri të Kosovës të paguajnë për rrymën e shpenzuar nga vjeshta e vitit 2022.
20 °C
