Leo Messi kishte menduar largimin nga Barceolona, por një takim me Tito Vilanovën kishte rezultuar i suksesshëm për Barcelonë.

Jordi Roura, trajneri i dytë në kohën e Tito Vilanovës në Barcelonë, ka konfirmuar në programin Sin Concesiones të Radio Kanal Barcelona se Tito kishte një takim gjashtë ditë para vdekjes së tij, në të cilën ai e bindi Messin që të qëndronte në klubin e Barçës.

Ish trajneri tha: “Është e vërtetë që Leo nuk ishte i sigurt nëse do të vazhdonte, është e vërtetë që ky takim ka ndodhur, nuk isha atje, por ata flisnin për shumë orë dhe është gjithashtu e vërtetë që nuk e di se çfarë u tha, por e di se Messi ndryshoi qëndrimin e tij dhe, për fat të mirë për Barcelonën, Messi vendosi të vazhdojë këtu “.

Roura kujton figurën e Titos në përvjetorin e pestë të vdekjes së tij: “Ka shumë për tu thënë për të. Ai ishte një person i thjeshtë, i drejtpërdrejtë, me shumë personalitet, i cili ballafaqohej ballë për ballë dhe ishte profesional – dhe kjo e bëri atë të veçantë.”

Komento:

	Komenti