Është ende e nevojshme të kuptohet si do të jetë e ardhmja e Milanit , pasi e ardhmja e Gennaro Gattuso në klub duket gjithnjë e më e paqartë.

Megjithatë, pavarësisht pasigurisë, disa objektiva konkrete për tregun e transferimit të verës tashmë janë zgjedhur, përcjell ORAinfo.

Rossonerët nuk duan të revolucionarizojnë skuadrën në dispozicion të Gattuso por ta përmirësojnë atë dhe ta bëjnë atë më të plotë, edhe me ndihmën e fondeve që mund të jenë në dispozicion pas një kualifikimi të mundshëm në Ligën e Kampionëve.

Sipas Gazzetta dello Sport, drejtori teknik i Milanit Leonardo tashmë ka zgjedhur përforcimin e tij për sulmin – Allan Saint-Maximin.

Anësori francez nuk është një emër i ri dhe ka pasur një përpjekje tashmë në janar, por pa marrë përgjigje të menjëhershme dhe pozitive.

Negociatat nuk do të vazhdojnë vetëm në verë, por janë të vazhdueshme dhe kanë vazhduar për disa kohë. /ORAinfo/

Komento:

	Komenti