Profesori Bujar Dugolli e konsideron hap të rëndësishëm avancimin e statusit të Kosovës në Asamblenë Parlamentare të NATO-s.
Dugolli tha se kalimi i vetëm me një votë kundër është një sukses i madh për vendin.
Ai ka sqaruar se ku qëndron dallimi në mes Asamblesë Parlamentare të Këshillit të Evropës dhe Asamblesë Parlamentare të NATO-s.
Dugolli thotë se është vetëm çështje kohe, derisa Kosova të bëhet pjesë anëtare e KiE-së.
“Asambleja Parlamentare e KiE-së ka kaluar atë votim dhe ai nuk mund të përsëritet dhe tani çështja e pranimit të Kosovës është vetëm një çështje kohe dhe nuk mund të kthehet mbrapa, ndërsa pranimi në NATO është një procedurë tjetër e cila edhe po të jetë Kosova anëtare e barabartë në këtë Asamble, çështja e aleancës së NATO-s është një mekanizëm tjetër, i cili padyshim që ndodh, por kjo është një rrugë që e çon në atë drejtim. Te çështjet e sigurisë është një qëndrim i përbashkët i aleancës Veriatlantike dhe mendoj që ka dallime këtu për faktin që në këtë aleancë SHBA-të kanë rolin më të rëndësishëm thuajse vendimtare në aspektin e sigurisë edhe të Evropës dhe për këtë arsye ky është një mekanizëm i ndryshëm në raport nga mekanizmat e tjerë. Kjo është një kohë e mirë dhe situatë e mirë për Kosovën”, shtoi ai.