Edhe pas 25 vjetësh, ende nuk ka drejtësi për e Yll, Agron dhe Mehmet Bytyçin, qytetarë amerikanë me origjinë shqiptare, të cilët u vranë nga Serbia.
Drejtësi për Yllin, Agronin e Mehmetin vazhdojnë të kërkojnë familja e tyre, duke theksuar se tashmë dihen emrat e vrasësve me emër e mbiemër.
“Njëzet e pesë vjet më vonë, dhimbja e vdekjes së Yllit, Agronit dhe Mehmetit është ende e thellë. Drejtësia do të vijë. Ne jemi shumë të sigurt për këtë. Vlastimir Dordeviq dhe Goran Radosavlejviq janë përgjegjës për vrasjet e vëllezërve Bytyqi”, thuhet në reagimin e Familjes Bytyçi
Në reagim thuhet se Qeveria e Serbisë e ka pranuar përgjegjësinë e saj, por që nuk ka marrë asnjë hap për t’i dënuar kriminelët.
“Ata janë gjithashtu përgjegjës për operacionet e fshehjes që vazhdojnë të fshehin më shumë se 1000 krime të luftës. Heshtja e tyre po shkakton dhimbje për qindra familje të tjera që ende nuk dinë fatet e të dashurve të tyre. Në mënyrë private, qeveria serbe e ka pranuar përgjegjësinë e saj për shumë vite. Ata thjesht nuk kanë shtyllën kurrizore për të bërë diçka për këtë”, thuhet në reagim.
Familja Bytyçi ka kërkuar nga Gjermania dhe shtetet e tjera të ndërmarrin hapa konkretë në mënyrë që ky rast ta gjejë drejtësinë.
“Kjo është arsyeja pse Shtetet e Bashkuara dhe vendet evropiane duhet të veprojnë. Angazhimi i fushatës së presidentit Biden për të kërkuar ‘përgjegjësi të shpejtë… pa frikë apo favor’ në vrasjet e vëllezërve Bytyqi duhet të përmbushet tani. Gjermania dhe vendet e tjera të përfshira në çështjen e personave të zhdukur duhet gjithashtu të ndërmarrin veprime tani. 25 vitet e fundit i kanë treguar botës se qeveria serbe nuk do ta bëjë këtë vetë. Gjithashtu ka treguar se nuk do të dorëzohemi kurrë”, thuhet në reagim.
Zëdhënësi i Departamentit të Shtetit, Matthew Miller, ka kërkuar nga Serbia që ta përfundojë hetimin dhe t’i sjellë para drejtësisë përgjegjësit për vdekjen e vëllezërve Ylli, Agron dhe Mehmet Bytyqi.
Në 25-vjetorin e vrasjes së tyre, Miller i ka kujtuar vëllezërit duke thënë se autorët e aktit brutal mbeten ende të lirë.
“25 vjet më parë, shtetasit amerikanë Ylli, Agroni dhe Mehmet Bytyqi u vranë në paraburgimin e policisë serbe. Sot, autorët e këtij akti brutal mbeten të lirë. Ne i bëjmë thirrje Serbisë sërish që të përfundojë hetimin e saj dhe të sjellë para drejtësisë përgjegjësit për vdekjen e tyre”, ka shkruar Miller në platformën “X”.
15 °C
