Ambasadorja e Izraelit në Kosovë, Tamar Ziv, thotë se Hamasi dhe Hezbollahu përdorin civilët si mburojë njerëzore gjatë luftës me shtetin e saj.

“Mendoj se është shumë e rëndësishme që të gjithë gjithandej botës të dinë se Hamasi dhe Hezbollahu përdorin civilët e tyre si mburoja njerëzore. Tani si shembull në Liban, gjejmë që shumë fshatra që janë në kufi me Izraelin infrastruktura ushtarake brenda shtëpive të civilëve që i bie se edhe Hezbollahu përdor popullatën si mburojë njerëzore”.

Ziv e pranoi që numri i civilëve të vrarë në Gaza është i lartë, ndërsa shtoi se Ministria e Shëndetësisë e vendit atje në shifrat e publikuara për numrin e viktimave nuk bën dallime mes luftëtarëve të Hamasit dhe civilëve.

“Padyshim numri i civilëve (të vrarë) është shumë i lartë dhe Ministria e Shëndetësisë në Rripin e Gazës që kontrollohet nga Hamasi, nuk bën dallime mes luftëtarëve të Hamasit. Asnjëherë nuk dëgjoni sa luftëtar të Hamasit janë vrarë në luftime, por supozimet tona janë që mbi gjysma e këtij numri janë operativët e Hamasit, një numër tjetër janë ata të afërt me ta”, tha ajo.

“Fatkeqësisht ka edhe gra dhe fëmijë që janë vrarë”, theksoi mes tjerash ambasadorja, në “Rubikon”.

Komento:

	Komenti