Sekretari i Përgjithshëm i Ministrisë së Mjedisit, Planifikimit Hapësinorë dhe Infrastrukturës, Izedin Bytyqi është shoqëruar në Polici.
Kjo pas aksionit të sotshëm në ministrinë e cila udhëhiqet nga Liburn Aliu.
Front Online raportoi se përveç aksionit Brenda kësaj ministrie Policia bastisi edhe shtëpinë e Bytyqit.
Detaje për këtë aksion dha edhe Prokuroria Speciale e Kosovës, ku përmes një njoftimi tha se janë dy persona të dyshuar për kryerjen e veprës penale që lidhen me keqpërdorim të detyrës zyrtare, shpëlarje parash dhe mosraportim apo raportim të rremë të pasurisë, të të ardhurave, të dhuratave, të dobisë a detyrimeve financiare, raporton Front Online. /Front Online/