Lëvizja Vetëvendosje s’ka shkuar fare në seancën e thirrur nga PDK për diskutim lidhur me përgjimin në mes të Mimoza Kusari Lilës dhe Radojiçiqit. Seanca po drejtohet nga Enver Hoxha, ndërkohë fjalën e ka marrë shefi i deputetëve të PDK-së, Abelard Tahiri.

Tahiri ka thënë se duhet të shihet se deri ku ka arritur vendimmarrja e shtyrë nga Milan Radojiçiqi në Kuvend.

Ai i ka bërë thirrje Prokurorisë së Shtetit për të hetuar për këtë bashkëpunim në mes të shefes së deputetëve të VV-së dhe Milan Radojiçiqit.

“Duhet të shihet se deri ku ka mbërri vendimmarrja e shtyrë nga Milan Radojicici. Unë i kërkoj sot prokurorit të shtetit që të ketë një hetim penal për këtë çështje. BIA serbe na ka depërtu deri në Gjykatë Kushtetuese. Nuk jemi cënuar asnjëherë më shumë se kësaj here”, ka thënë Tahiri.

“Të vërtetës s’mund t’i ikin. Do të japin përgjegjësi”, ka shtuar ai.

Komento:

	Komenti