Lidhja Demokratike e Kosovë(LDK), ka reaguar pas ‘skandalit’ të Ministrisë së Jashtme për Shërbimet Postare Diplomatike.

Përmes një shkrimi në Facebook, nga LDK thonë se pushteti aktual po tregon paaftësi dhe dështime të njëpasnjëshme, pasi siq thonë ata, MPJD, me taksa të qytetarëve është duke paguar cmime të larta për dërgesat diplomatike, gjashtë herë mbi cmimet e tregut.

“Pushteti aktual po tregon paaftësi të thellë dhe dështime të njëpasnjëshme. Përveçse nuk i ka sjellë Kosovës asnjë njohje të re apo anëtarësim ndërkombëtar, nuk arrin të menaxhojë asnjë proces kaq të thjeshtë siç është posta diplomatike”.

“Keqmenaxhimi dhe mungesa e kompetencës së Ministrisë së Punëve të Jashtme dhe Diasporës, sipas raportimeve të mediave ka çuar në humbjen e 400 pasaportave të mërgimtarëve, mbi 160 letërnjoftimeve dhe vendimeve për shtetësinë. Me taksat e qytetarëve, MPJD paguan çmime të larta për dërgesat diplomatike, gjashtë herë mbi çmimin e tregut, por përsëri dështon, ashtu si në çdo proces tjetër. Kjo Ministri e cila i ka lënë fajin operatorit ekonomik për këtë skandal, ka për obligim që të sqarohet për këtë”, thuhet në reagim.

“Lidhja Demokratike e Kosovës është thellësisht e shqetësuar nga ky dështim i Ministrisë së Punëve të Jashtme, në ofrimin e shërbimeve të rëndësishme si posta diplomatike, veçanërisht në rastin ku është paguar shumëfish më shtrenjtë për një tender, i cili në fund rezulton i dështuar. Qytetarët tanë meritojnë respekt, transparencë dhe një qeveri që i jep përparësi nevojave të tyre. LDK angazhohet për të adresuar këto çështje, duke i siguruar çdo qytetari se jemi këtu për t’i shërbyer vendit. Ndryshimi po vjen”, thuhet tutje në reagimin e LDK-së.

Reagimi i plotë:

Komento:

	Komenti