Zëdhënësi i Komisionit Qendror të Zgjedhjeve (KQZ), Valmir Elezi, njoftoi sot se KQZ ka vendosur të zgjatë afatin për aplikimin e subjekteve politike për certifikim dhe dorëzimin e listës së kandidatëve për deputetë për pjesëmarrje në Zgjedhjet për Kuvendin e Kosovës, të cilat do të mbahen më 9 shkurt 2025.
Sipas Elezit, afati i ri për dorëzimin e dokumenteve është deri në orën 23:59 të ditës së sotme, e mërkurë, 11 dhjetor 2024.
Këtë vendim, KQZ e mori gjatë mbledhjes së sotme, duke pasur parasysh se ky proces zhvillohet për herë të parë përmes platformës online të certifikimit, e cila është e disponueshme në adresën: http://certifikimi.kqz-ks.org.
KQZ ftoi subjektet politike që të përfundojnë sa më shpejt aplikimet dhe dorëzimin e dokumenteve të kërkuara, për të mundësuar një proces të rregullt dhe të organizuar për Zgjedhjet e 9 shkurtit 2025.
Njoftimi i plotë:
Ju njoftoj se Komisioni Qendror i Zgjedhjeve ka zgjatur afatin për aplikim të subjekteve politike për certifikim dhe për dorëzimin e listës së kandidatëve për deputetë për pjesëmarrje në Zgjedhjet për Kuvendin e Kosovës, të cilat do të mbahen më 9 shkurt 2025, deri në orën 23:59 të ditës së sotme, e mërkurë, 11 dhjetor 2024.
Këtë vendim, KQZ e mori gjatë mbledhjes së sotme duke pasur në konsideratë se për herë të parë ky proces realizohet përmes platformës online
http://certifikimi.kqz-ks.org dhe disa nga subjektet politike kanë pasur vështiësi në përdorimin e platformës. certifikimi.kqz-ks.org
12 °C
