Kategoria
Lajmet e fundit
16 °C

Një muaj paraburgim ndaj Jelena Gjukanoviq, e dyshuar për spiunazh

17:38 | 02 Mars 2025
nje-muaj-paraburgim-ndaj-jelena-gjukanoviq,-e-dyshuar-per-spiunazh

Gjykata Themelore e Prishtinës ka miratuar kërkesën e Prokurorisë Speciale të Kosovës (PSRK), duke i caktuar një muaj paraburgim të dyshuarës për spiunazh, Jelena Gjukanoviq.

Lajmin për Telegrafin e ka konfirmuar zëdhënësja e Gjykatës, Mirlinda Gashi.

Sipas vendimit, masa e paraburgimit është shqiptuar nga gjykatësi i procedurës paraprake pas seancës dëgjimore.

Prokuroria Speciale njoftoi se të premten, më 28 shkurt 2025, pas disa muajsh hetime në bashkëpunim me Policinë e Kosovës – Drejtorinë Kundër Terrorizmit dhe Agjencinë e Kosovës për Inteligjencë, ka arrestuar të dyshuarën në rajonin e Mitrovicës.

Jelena Gjukanoviq fillimisht ishte ndaluar për 48 orë me vendim të prokurorit të PSRK-së, ndërsa njësitet relevante të Policisë kanë kryer bastisje në banesën e saj për sigurimin e provave shtesë.

Po ashtu, prokuroria ka bërë të ditur se do të ndërmarrë veprimet e nevojshme hetimore për vazhdimin e procesit penal.

Jelena Gjukanoviq dyshohet se ka vepruar në bashkëpunim për kryerjen e veprës penale “Spiunazhi”, sipas nenit 124, paragrafi 3, lidhur me nenin 31 të Kodit Penal.

Komento:
Lajme të tjera
ORAinfo
© 2012 – 2026 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

               
Privacy and Policy
TEL : 044 / 911 100