Luka Modrić mund do të qëndrojë te Real Madridi për një vit tjetër, raporton Miguel Angel Toribio, gazetar i gazetës spanjolle Marca.

Toribio pretendon se kjo kërkesë erdhi direkt nga Xabi Alonso, i cili do të marrë drejtimin e Realit në fund të këtij sezoni.

“Trajneri spanjoll e konsideron përvojën e Modricit një faktor kyç në ekipin e Real Madridit. Ai është lideri i këtij ekipi”, thuhet në tekstin e Marcas.

Për Modricin, i cili do të mbushë 40 vjeç në shtator, ky do të jetë sezoni i tij i 14-të me Real Madridin. Roli i tij në fushë është zvogëluar me kalimin e viteve, ai ka qenë kryesisht rezervë këtë sezon.

Ai është shfaqur në 54 ndeshje këtë sezon, duke shënuar katër gola dhe duke dhënë tetë asiste. Ai është gjithashtu ende kapiteni i ekipit kombëtar kroat.

Modrić fitoi gjashtë Liga të Kampionëve dhe katër kampionate spanjolle me Real Madridin. Ai gjithashtu fitoi Topin e Artë në vitin 2018. Ai ka gjithsej 589 paraqitje për Klubin Mbretëror.

Xabi Alonso vjen nga Bayer Leverkusen, me të cilin fitoi titullin e parë të kampionatit gjerman në historinë e klubit sezonin e kaluar. Ai do të zëvendësojë Carlo Ancelottin, i cili do të bëhet trajneri i Brazilit.

Komento:

	Komenti