Një incident i dhunshëm ka ndodhur mbrëmjen e së martës në fshatin Gaçkë të Ferizajt, ku pas një mosmarrëveshjeje janë rrahur mes vete shtatë persona, pesë prej tyre të mitur.

Sipas policisë, dy nga të përfshirët në rast kanë pësuar lëndime të lehta trupore nga thika dhe kanë pranuar tretman mjekësor.

Pesë nga të dyshuarit janë shoqëruar në stacionin policor dhe, pas intervistimit, me vendim të prokurorit janë liruar në procedurë të rregullt, transmeton Klankosova.tv.

Ndërkohë, dy të dyshuarit e mitur janë arrestuar dhe janë dërguar në mbajtje me vendim të prokurorit.