Gjatë kësaj jave në vend pritet mot i ndryshueshëm, kryesisht i vranët, me intervale të shkurtra me diell dhe reshje shiu në disa zona. Era do të fryjë nga juglindja dhe verilindja, me shpejtësi prej 1 deri në 7 metra në sekondë.

E hëna do të karakterizohet me mot të vranët, ku vende-vende do të ketë riga shiu. Temperaturat minimale do të lëvizin nga 0 deri në 3 gradë Celsius, ndërsa ato maksimale nga 6 deri në 10 gradë Celsius. Era do të fryjë kryesisht nga juglindja, me shpejtësi 1 deri në 5 metra në sekondë.