Ka kaluar amendamenti për dyfishimin e mbështetjes për gjykimin e ish-krerëve të UÇK-së në Hagë.

Në mbledhjen e Komisionit për Buxhet dhe Financa, katër anëtarë të tij votuan për, tre kundër dhe dy abstenuan.

Amendamenti u paraqit nga Arian Tahiri i Partisë Demokratike të Kosovës.

Sipas tij, amendamenti ishte tejet i rëndësishëm për identitetin dhe reputacionin e vendit tonë.

“Kërkoj mbështetjen për amendamentin, i cili është shumë i rëndësishëm, për shkak se propozohet të dyfishohet mbështetja për të akuzuarit tanë që janë në Hagë”.

“Pra, bëhet fjalë për çështje shumë të rëndësishme – për identitetin dhe reputacionin e vendit tonë. Duke pasur parasysh se ka nevojë për mbështetje më të avancuar dhe më të lartë nga shteti i Kosovës, kjo është në përputhje me ligjet dhe rregulloret në fuqi”, tha ai.

Megjithatë, Fatos Geci nga Lëvizja Vetëvendosje nuk e përkrahu këtë amendament.

“Nuk janë themelues shteti dhe nuk konsideroj që duhet të votohet”, tha ai..eo