Shefi i Komandës Qendrore të SHBA-së, admirali Brad Cooper, tha gjatë një konference për shtyp të enjten se trupat amerikane në Lindjen e Mesme po “riarmatosen” gjatë armëpushimit.

Cooper, i cili mbikëqyr forcat amerikane në Lindjen e Mesme, tha se “vlerësimi i tij personal” nga udhëtimet e fundit në rajon, përfshirë një që e bëri gjatë armëpushimit, është se “trupat tona janë shumë të motivuara”.

“Ata po e përdorin këtë kohë për të bërë disa gjëra. Ne po riarmatosemi. Po riorganizohemi dhe po përshtatim taktikat, teknikat dhe procedurat tona”, u tha Cooper gazetarëve. “Nuk ka ushtri në botë që përshtatet si ne dhe pikërisht këtë po bëjmë tani gjatë armëpushimit”.