Demokracia në Veprim, ka dalë me komunikatë ku tha se nga informacionet në terren dy orë para zgjedhjeve dalja e qytetarëve në zgjedhje ëshë 10% më e ulët.

Në njoftim thuhet se sipas vëzhguesve të DnV-së, deri në orën 17:00 është rreth 29%.

Komunikata e plotë:

Komunikata e tretë për media

𝐃𝐧𝐕: 𝐃𝐚𝐥𝐣𝐞 𝐞 𝐮𝐥𝐞̈𝐭 𝐞 𝐪𝐲𝐭𝐞𝐭𝐚𝐫𝐞̈𝐯𝐞 𝐧𝐞̈ 𝐯𝐨𝐭𝐢𝐦𝐞, 𝟏𝟎% 𝐦𝐞̈ 𝐞 𝐮𝐥𝐞̈𝐭 𝐬𝐞 𝐧𝐞̈ 𝐳𝐠𝐣𝐞𝐝𝐡𝐣𝐞𝐭 𝐞 𝟐𝟎𝟐𝟓-𝐭𝐞̈𝐬

Dy orë para mbylljes së vendvotimeve, të dhënat nga terreni tregojnë që interesimi i qytetarëve për të votuar është i ulët, ndërsa procesi në përgjithësi po rrjedhë i qetë. Dalja në votime, sipas vëzhguesve të DnV-së, deri në orën 17:00 është rreth 29%. Sa për krahasim, dalja në votime në kohën e njejtë në dy palë zgjedhjet e kaluara parlamentare të mbajtura gjatë 2025 ishte rreth 39%, pra 10% më e lartë.

Regjionet me dalje më të madhe janë komunat me shumicë serbe (42%), pasuar nga rajoni i Prishtinës ku dalja është 33%. Dalje më e vogël në zgjedhje është regjistruar në rajonin e  Gjakovës dhe Prizrenit, 23% respektivisht 24%.

𝐏𝐚𝐫𝐫𝐞𝐠𝐮𝐥𝐥𝐬𝐢𝐭𝐞̈ 𝐦𝐞̈ 𝐭𝐞̈ 𝐬𝐡𝐩𝐫𝐞𝐡𝐮𝐫𝐚

𝑉𝑒̈𝑠ℎ𝑡𝑖𝑟𝑒̈𝑠𝑖𝑡𝑒̈ 𝑒 𝑣𝑜𝑡𝑢𝑒𝑠𝑣𝑒 𝑛𝑒̈ 𝑔𝑗𝑒𝑡𝑗𝑒𝑛 𝑒 𝑣𝑒𝑛𝑑𝑣𝑜𝑡𝑖𝑚𝑖𝑡

Edhe në pjesën e dytë të ditës, ka pasur mjaft raste kur votuesit janë gjendur në vendvotime joadekuate. Nga hapja e vendvotimeve deri në orën 17:00, këto vështirësi janë raportuar në 65% të vendvotimeve, me deri në 10 raste.  Në rajonin e Prishtinës dhe Pejës kjo dukuri ka qenë e shprehur edhe deri në 30 raste (në 12% të vendvotimeve).

𝑉𝑜𝑡𝑖𝑚𝑖 𝑚𝑒 𝑎𝑠𝑖𝑠𝑡𝑒𝑛𝑐𝑒̈

Trendi i votimit me asistencë që nga mëngjesi ka mbetur përgjithësisht i njejtë, pra 0.2%, ndonëse është i përhapur në 55% të vendvotimeve. Rreth 78% të këtyre rasteve lidhen me asistimin e votueseve gra.

Votimi me asistencë nuk po evidentohet në 6% të vendvotimeve, deri në 10 raste.

Komisionerët në mbi 65% të vendvotimeve kanë vazhduar të kërkojnë dokumente mjekësore nga të gjithë qytetarët që kanë kërkuar të votojnë me ndihmën e dikujt tjetër. Për me tëpër, në 45% të vendvotimeve nuk kanë lejuar që të votohet me asistencë pa dokumente mjekësore, përkundër insistimit të votuesve, sidomos në Prishtinë.

𝑉𝑜𝑡𝑖𝑚𝑖 𝑚𝑒 𝑑𝑜𝑘𝑢𝑚𝑒𝑛𝑡𝑒 𝑡𝑒̈ 𝑝𝑎𝑣𝑙𝑒𝑓𝑠ℎ𝑚𝑒

Deri në orën 17:00, raste të votimit me dokumente me afat të skaduar janë hasur në 25% të vendvotimeve, deri në 4 raste.

𝐹𝑜𝑡𝑜𝑔𝑟𝑎𝑓𝑖𝑚𝑖 𝑖 𝑣𝑜𝑡𝑒̈𝑠

Deri në orën 17:00, raste të fotografimit të votës kanë qenë gjithsej 25, të hasura në 4% të vendvotimeve.

𝐼𝑛𝑐𝑖𝑑𝑒𝑛𝑡𝑒𝑡 𝑠𝑒𝑟𝑖𝑜𝑧𝑒

Është raportuar edhe për disa incidente që kanë të bëjnë me tentime për të votuar në emër të familjarëve të tyre, por që të gjitha janë trajtuar nga policia në mënyrë profesionale.

Tani kur kanë mbetur edhe dy orë deri në mbyllje të vendvotimeve, DnV u bën thirrje qytetarëve të shfrytëzojnë të drejtën e tyre demokratike për të votuar. Pjesëmarrja në zgjedhje përveç që është e drejtë themelore, është edhe përgjegjësi dhe mjet i fuqishëm për të ndikuar në drejtimin e qeverisjes së vendit.