Klodian Mihaj dhe Elijona Binakaj po vazhdojnë të tërheqin vëmendjen e publikut edhe pas përfundimit të rrugëtimit të tyre në Big Brother VIP Kosova.

Dy finalistët e edicionit të katërt së fundmi kanë lënë të kuptohet se kanë nisur pushimet verore së bashku, duke ndarë me ndjekësit momente nga destinacioni ku po kalojnë ditët e nxehta të verës.

Përmes publikimeve në rrjetet sociale, Klodi dhe Elijona kanë treguar se po shijojnë kohën pranë detit, ndërsa nuk kanë munguar as pamjet që i vendosin sërish në qendër të vëmendjes.

Postimet e tyre vijnë vetëm pak ditë pasi në rrjet qarkulluan spekulime të ndryshme për raportet mes ish-banorëve të BBVK-së, duke ngritur pikëpyetje te ndjekësit.

Megjithatë, pamjet e fundit duket se flasin më shumë se çdo deklaratë, pasi dyshja po vazhdon të kalojë kohë së bashku dhe të ndajë momente nga përditshmëria e tyre.

Edhe pse nuk kanë zgjedhur të bëjnë komente të gjata publike për marrëdhënien e tyre, çdo postim i tyre vazhdon të zgjojë interes të madh te fansat.

Ndërkohë, ndjekësit kanë vërshuar me komente dhe reagime, duke shprehur mbështetjen dhe simpatinë për çiftin e njohur të BBVK-së.

Komento:

	Komenti