Një gjykatë federale e Apelit në SHBA ka vendosur që emri i presidentit Donald Trump të mos rikthehet në fasadën e Qendrës John Kennedy për Artet Performuese deri në përfundim të procesit të apelimit.

Muajin e kaluar, një gjykatë federale urdhëroi heqjen e emrit të Trump nga ndërtesa, duke e cilësuar të paligjshëm vendimin për riemërtimin e institucionit kulturor. Bordi drejtues, i kryesuar nga vetë Trump, kërkoi pezullimin e këtij vendimi, por kërkesa u refuzua nga Gjykata e Apelit.

Gjykatësit argumentuan se bordi nuk paraqiti prova se heqja e emrit do t’i shkaktonte dëme të pariparueshme, pavarësisht pretendimeve se kjo mund të ndikojë në mbledhjen e fondeve.

Çështja lidhet me vendimin e marrë në fillim të vitit 2025, kur Trump, pasi emëroi një bord të ri drejtues të Kennedy Center dhe mori drejtimin e tij, shtoi emrin e tij në emërtimin zyrtar të institucionit, duke shkaktuar reagime dhe një betejë ligjore.