Deputeti i zgjedhur i PDK-së, Rrustem Mustafa i njohur si komandant “Remi’, ka reaguar me një mesazh të ashpër, duke kritikuar ata që, sipas tij, po dëmtojnë luftën çlirimtare të Kosovës.

Në një postim në rrjetet sociale, Mustafa shkroi se, ndërsa në Beograd “ministrat premtojnë hapur spastrimin e Kosovës”, në Prishtinë ka pushtetarë që “vrapojnë në Hagë me dëshmi e shpifje kundër UÇK-së”.

“Liria është e përbashkët, por turpi mbetet individual”, ka shkruar ai, duke shtuar se brezi i lirisë i ka falur ata që dikur hezituan, por “historia nuk do t’i falë ata që sot shpifin kundër çlirimtarëve për të mbajtur karriget e veta”.

Mustafa përfundoi reagimin e tij me mesazhin: “Kush nuk pati guxim të luftojë për lirinë, sot nuk ka as dinjitet për ta mbrojtur atë.”

Postimi i plotë: