Ministri i deleguar për Europën i Francës, Benjamin Haddad, gjatë vizitës së tij zyrtare në Kosovë, shkoi për të vizituar edhe Manastirin e Graçanicës.

Ai tha se ky objekt pasqyron karakterin multietnik të Kosovës.

“Vizitë e mrekullueshme në Manastirin Ortodoks të Graçanicës, një vend me rëndësi të veçantë për kulturën dhe historinë e serbëve të Kosovës, i cili pasqyron karakterin multietnik të vendit”, shkroi ai në X.

Haddad erdhi në Kosovë për nënshkrimin e katër marrëveshjeve që lidhen me fushën e drejtësisë, sportit e arsimit.

Ai u takua me krerët në detyrë të institucioneve dhe përfaqësues të partive politike.