Me nderime të larta është përcjellë sot për në banesën e fundit polici i Kosovës, Altin Kryeziu, i cili u varros në varrezat e fshatit Bubavec.

Në ceremoninë mortore morën pjesë familjarë, miq, kolegë të Policisë së Kosovës dhe qytetarë të shumtë, të cilët u mblodhën për t’i dhënë lamtumirën e fundit.

Në mesin e të pranishmëve ishin edhe ministri në detyrë i Punëve të Brendshme, Xhelal Sveçla, drejtori i Policisë së Kosovës, kryetari i komunës dhe përfaqësues të tjerë institucionalë.

Kryeziu u përcoll për në banesën e fundit si pasojë e një aksidenti që kishte ndodhur gjatë kryerjes së detyrës.

Familjarët, kolegët dhe të pranishmit e kujtuan atë me dhimbje, ndërsa ceremonia u zhvillua në shenjë respekti dhe nderimi për policin e ndjerë.

Komento:

	Komenti