Duket se ende nuk ka përfunduar gjithҫka me akuzat ndaj Ronaldos.

Në vitin 2009, Cristiano Ronaldo e takoi ish-modelen Kathyrn Mayorga në një klub nate dhe pastaj ata shkuan në dhomën e tij të hotelit.

Aty, amerikania pretendon se portugezi e keqpërdori.

ani, Ronaldo duhet të shkojë në gjykatë në Las Vegas, madje ai do të prangoset kurdo që të futet në territor të SHBA-së.

Mediumi i madh gjerman, RTL, raporton se Cristiano Ronaldo nuk mund të futet në territorin e SHBA-së, pasi që aty do të prangoset menjëherë për shkak të akuzave për keqpërdorim.

Para tetë muajve, Kathryn Mayorga e akuzoi Cristiano Ronaldon se e kishte keqtrajtuar në orët e hershme të 13 qershorit të vitit 2009, në Las Vegas, pasi ishin takuar në një klub nate.

Mayorga, atëherë 25-vjeçare, e kishte raportuar rastin në policinë e Las Vegasit. Ajo nuk e kishte identifikuar Ronaldon me emër sepse kishte thënë se ai ishte figurë publike dhe i frikësohej portugezit.

Ajo ishte dërguar në spital dhe ishte hetuar nëse ka shenja nga kjo vepër.

Gjatë muajve në vazhdim, sipas avokatëve të Mayorgas, hetues privat të Ronaldos e kishte gjetur amerikanen dhe i kishin mbajtur shënim të gjitha lëvizjet e saj.

Ajo gjithashtu pretendon se avokatët e Ronaldos e kishin detyruar atë të nënshkruante një dokument.

Në atë dokument, Mayorga premtoi se nuk do të fliste kurrë publikisht për incidentin dhe në shkëmbim i mori 375 mijë dollarë.
Këtë dokument u nënshkrua edhe nga Mayorga edhe nga Ronaldo në janar të vitit 2010.

Në vitin 2017, gazeta gjermane Der Spiegel e publikoi një artikull ku Ronaldo akuzohej për përdhunim, mirëpo emri i Mayorgas ishte lënë anonim.

Shumë prej informatave të gazetës ishin siguruar nga dokumente dhe mesazhe që ishin siguruar nga Football Leaks.

Agjenti i Ronaldos i mohoi menjëherë këto lajme, mirëpo asnjëherë nuk e paditi as Der Spiegelin e as Mayorgan për shpifje.

Në shtator të vitit 2018, Der Spiegel e publikoi edhe një tjetër artikull, këtë herë duke e treguar rrëfimin e plotë të Mayogas, e cila e zbuloi edhe identitetin e vet.

Në atë artikull, Maryoga shpjegon në detaje kishte ndodhur me të në vitet në vijim.

Der Spiegel i zbuloi edhe disa dokumente të këtij rasti, të cilat përfshinin deklarata të dhëna nga Ronaldo.

Në këto dokumente, portugezi e kishte pranuar se kishte qenë i ashpër me Mayorgan dhe se ajo i kishte thënë jo disa herë, para se ta keqtrajtonte.

Avokatët e Ronaldos, por edhe vetë portugezi, e kanë mohuar këtë lajm disa herë.

Megjithatë, për shkak të dokumenteve të besueshme të publikuara, policia e Las Vegasit i kishte rihapur hetimet për këtë rast.

Mayorga e kishte paditur yllin e Juventusit jo vetëm për keqpërdorim, por edhe për presionin që ia kishte bërë më vonë dhe përcjelljen përmes hetuesve privat.

Komento:

	Komenti