Dolores Aveiro, nëna e Cristiano Ronaldos, ka reaguar me emocione pas largimit të papritur të djalit të saj nga grumbullimi i kombëtares së Portugalisë, duke pranuar se kjo situatë ka qenë e vështirë për të dhe familjen.
Në një intervistë për median portugeze TV 7 Dias, Aveiro ka treguar se lajmi e ka tronditur dhe se nuk e ka fshehur trishtimin për atë që ndodhi.
“Jam e trishtuar, është normale. Ishte një tronditje. Djali im mund të ishte larguar nga dera kryesore, por në vend të kësaj doli nga dera e pasme”, tha Aveiro.
Megjithatë, ajo u shpreh se përpiqet ta shohë situatën me optimizëm dhe të vazhdojë përpara, duke ia lënë pjesën tjetër në dorë Zotit.
“Por gjithçka është në rregull, Zoti do të kujdeset për të. Qava pak. Edhe të çlirohesh nga emocionet është mirë. Tani duhet të ecim përpara”.
Sipas raportimit, largimi i Ronaldos lidhet me tensionet e krijuara në marrëdhënien e tij me trajnerin Jorge Jesus. Pakënaqësia e yllit portugez thuhet se u shtua pas fitores 2-1 ndaj Norvegjisë në Oslo, ndeshje në të cilën ai qëndroi në stol dhe nuk u aktivizua.
Ronaldo raportohet se ishte udhëzuar të ngrohej gjatë pjesës së dytë, por nuk u fut në lojë. Kjo situatë dyshohet se i shkaktoi zhgënjim dhe ndjenjën se nuk ishte trajtuar siç priste, duke përfunduar me largimin e tij nga grumbullimi i kombëtares.
13 °C
