Nëntë persona, gjashtë shtetas të Kosovës dhe tre të Gjermanisë, janë arrestuar nën dyshimin për përfshirje në një aktivitet kriminal të mashtrimit përmes qendrave të thirrjeve.

Sipas raportit të Policisë së Kosovës, të dyshuarit u arrestuan më 23 tetor në Obiliq, pasi dyshohet se në bashkëveprim me njëri-tjetrin, përmes qendrave të thirrjeve, kanë kontaktuar dhe mashtruar shtetas të huaj.

Gjatë kontrollit të katër lokacioneve, policia ka gjetur dhe konfiskuar 39 kompjuterë, pesë telefona celularë, 12 pajisje të jashtme për ruajtjen e të dhënave (HDD), një veturë, një armë me gjashtë fishekë, 850 euro dhe 100 franga zvicerane.

Sipas policisë, në pajisjet kompjuterike të të dyshuarve janë gjetur të dhëna të shtetasve të huaj, të cilët dyshohet se janë kontaktuar dhe mashtruar.

Me vendim të prokurorit, të nëntë të dyshuarit janë dërguar në mbajtje.

Komento:

	Komenti