Juventusi raportohet se peshon mundësinë e dërgimit të sulmuesit Moise Kean në Ajax në këmbim të Matthijs de Ligt.

Juve mbetet në bisedimet për De Ligt dhe Corriere della Sera ka pohuar se ka pasur një takim katër-orësh midis drejtorit sportiv Fabio Paratici dhe agjentit të mbrojtësit, Mino Raiola të hënën, përcjell ORAinfo.

Gazzetta dello Sport vazhdon të shpjegojë se Juventusi mund t’i ofrojë Keanit për të ndihmuar në arritjen e ardhjes së Holandezit, pavarësisht distancës së konsiderueshme në terma personale.

19-vjeçari hyri në ekipin e parë të bardhezinës vitin e kaluar, duke shënuar shtatë gola në 17 paraqitje.

Megjithatë, ai ende nuk ka nënshkruar një kontratë të re dhe është gjithashtu subjekt i interesimit nga skuadra e Premier League Everton./ORAinfo/

Komento:

	Komenti