Ekipi Negociator i Kosovës në dialogun me Serbinë është shpallur antikushteutues.

Gjykata Kushtetuese e ka shpallur dje antikushtetues Delegacionin Shtetëror për Bisedime, i cili bashkudhëhiqej nga Fatmir Limaj dhe Shpend Ahmeti. Ish-kryetari i Kushtetueses, Enver Hasani, ka thënë se vendimi për Delegacionin Shtetëror dëshmon se presidenti Hashim Thaçi nuk ka të drejtë për ta kryesuar procesin e dialogut

Delegacioni Shtetëror, i udhëhequr nga zëvendëskryeministri i Qeverisë Fatmir Limaj dhe nga kryetari i PSD-së Shpend Ahmeti, është shpallur antikushtetues nga Gjykata Kushtetuese.

Pas kërkesës së dy partive më të mëdha opozitare, LDK-së e LVV-së, për ta vlerësuar kushtetutshmërinë e Ligjit për Detyrat, Përgjegjësitë dhe Kompetencat e Ekipit Negociator, Kushtetuesja ka konstatuar gjatë ditës së djeshme se Delegacioni i formuar në fund të vitit të kaluar nuk ka kompetenca për ta përfaqësuar Kosovën në politikën e jashtme, gjegjësisht për të zhvilluar dialog me një shtet tjetër, shkruan më tutje “Zëri”.

Menjëherë pas këtij vendimi Shpend Ahmeti, bashkëkryesues i Delegacionit, ka dhënë dorëheqje nga posti që ka mbajtur për shtatë muaj në këtë ekip.

Lidhur me vendimin e djeshëm të Kushtetueses kanë reaguar edhe LDK-ja, edhe LVV-ja, përfaqësues të të cilave kanë thënë se vendimi i Gjykatës ia pamundëson presidentit Hashim Thaçi udhëheqjen e dialogut.

Komento:

	Komenti