Është marrë vendimi për Santiago Solarin.

Ai nuk do të jetë trajner i Real Madridit në sezonin e ri.

Real Madrid ka vendosur tashmë. Santiago Solari nuk do të drejtojë skuadrën në sezonin 2019/2020, dhe po mendon datën se kur do të ndërpresë bashkëpunimin me trajnerin argjentinas.

Kështu së paku raporton ‘Goal.com’, që sheh fundin e Solarit në ‘Santiago Bernabeu’.

‘Los Blancos’ po kalojnë një javë kaotike pas dy humbjeve nga Barcelona (Kupa e Mbretit, La Liga) dhe eliminimit nga Liga e Kampionëve nga Ajax.

Ka disa emra në listën e Florentino Perezit për të zëvendësuar Santiago Solarin.

Një prej tyre është edhe Jose Mourinho, që tashmë ka drejtuar këtë skuadër gjatë sezoneve 2010/2013, ku ka fituar edhe një titull të La Ligas.

Komento:

	Komenti