Inter Milan, thuhet se nuk ka plane të lërë sulmuesin yll Lautaro Martinez të largohet nga klubi këtë verë, mes interesimit nga Arsenali.

24-vjeçari ka qenë i lidhur fort me një largim nga San Siro, me një numër klubesh duke përfshirë Gunners, Manchester United dhe Atletico Madrid që besohet se kanë regjistruar interesin e tyre, përcjell ORAinfo.

Megjithatë, agjenti i lojtarit ka sugjeruar së fundmi se klienti i tij nuk po kërkon një transferim këtë verë dhe ai është i lumtur që do të luajë për Interin sezonin e ardhshëm.

Gazzetta dello Sport tani pretendon se gjigantët e Serisë A janë të gatshëm për të mbajtur Martinezin edhe pse mund të kenë nevojë të bëjnë një shitje me para të mëdha për të përmbushur objektivat e tyre financiare.

Martinez, i cili është nën kontratë deri në qershor të vitit 2026, ka qenë një lojtar i rëndësishëm për Interin që synon titullin këtë sezon, duke shënuar 23 gola në 45 paraqitje në të gjitha garat./ORAinfo/

Komento:

	Komenti