Këshilltari sportiv i Paris Saint-Germain, Luis Campos, ka zbuluar se klubi nuk ka qenë kurrë i interesuar për të shitur Neymar gjatë afatit kalimtar të verës.

Gjatë një vere plot tension në të cilën Kylian Mbappe më në fund nënshkroi një kontratë të re dhe Christophe Galtier zëvendësoi Mauricio Pochettino si trajner, pati zhurma për një largim të mundshëm nga Parc des Princes për Neymar, përcjell ORAinfo.

Megjithatë, ai e ka nisur sezonin në formë elektrike, duke tejkaluar superyjet Mbappe dhe Lionel Messi, dhe Campos tha se braziliani nuk ishte kurrë afër largimit, duke hedhur poshtë gjithashtu thashethemet për një përçarje me Mbappe.

Ai tha për RMC: “Neymar është një lojtar shumë i mirë, ai gjithmonë arrin në kohë, ai kurrë nuk ka humbur një seancë stërvitore, përveç një herë pasi kishte pak dhimbje. Ai është i përkushtuar ndaj ekipit dhe projektit të klubit”, ka thënë Campos./ORAinfo/

Komento:

	Komenti