Nuk ka lëshim të materialit radioaktiv pas sulmeve të centralit bërthamor, thotë IAEA

Rafael Mariano Grossi, drejtor i përgjithshëm i Agjencisë Ndërkombëtare të Energjisë Atomike, po jep një konferencë për lajmet mbi situatën në Ukrainë.

Ai këmbënguli se sulmet në termocentralin bërthamor të Zaporizhzhia nuk prekën reaktorët, por një ndërtesë “ngjitur”, shkruan Skynews.

“Është e rëndësishme të thuhet se të gjitha sistemet e sigurisë të gjashtë reaktorëve në termocentral nuk u prekën fare”, tha zoti Grossi.

“Nuk ka pasur asnjë lëshim të materialit radioaktiv”.

Ai shtoi se situata “natyrshëm vazhdon të jetë jashtëzakonisht e tensionuar dhe sfiduese për shkak të rrethanave”.

Grossi tha se dy persona u plagosën në sulmin gjatë natës, të dy besohet të jenë personel sigurie.

Ai shtoi se është në kontakt me forcat ruse dhe ukrainase.

“Këtu duhet të theksoj për momentin [dhoma e kontrollit] është staf thjesht ukrainas që drejton operacionet atje”, tha zoti Grossi.

Më herët, zyrtarët ukrainas thanë se termocentrali bërthamor ishte nën kontrollin rus.

Komento:

	Komenti