Rade Kruniç dhe Theo Hernandez u prezantuan sot si lojtarë të rinj të Milanit dhe Paolo Maldini ishte gjithashtu i pranishëm në konferencën për shtyp, duke dhënë informacionin më të fundit rreth tregut të transferimeve të Rossonerëve.

“Ne kemi folur me Rade në fund të vitit të kaluar, si dhe me agjentin e tij dhe Empolin, duke u përpjekur të lëvizim përpara, sepse e dinim se katër mesfushorët do të largoheshin”.

“Theo? Është e vërtetë se ne jemi të mbuluar mirë në të majtë por ne kemi folur gjithmonë për të kërkuar lojtarë funksionalë”, tha ai.

“Theo është një lojtar i ri, vetëm 21 vjeç, por tashmë ka fituar Ligën e Kampionëve, ai tashmë ka luajtur në një skuadër të mrekullueshme. Ideja është që të rihapet një kapitull i ri, pas mbylljes për fat të keq, në një klub të të njëjtit nivel me Realin”.

“Ka disa faktorë që po kërkojmë. Rade ka treguar gjëra të mira dhe ne jemi të sigurt se ai ende ka mjaft hapësirë për përmirësim. Theo është një nga më të mirët dhe duhet të synojë të bëhet një nga tre të parët në botë. Mbërritja është e përkryer sa i përket kohës”.

“Veretout dhe Bennacer? Këto janë dy profile që kemi diskutuar. Shoh se ka shumë nguti dhe duket se Milani është prapa por tregu përfundon më 2 shtator. Ne duam t’i japim një ekip të plotë trajnerit sa më shpejt të jetë e mundur”.

Maldini ka folur edhe për mundësinë e transferimit të Modricit.

“Modriç. Ne kurrë nuk negociuam për të. Ne po kërkojmë profile të rinj dhe të fortë dhe profilet me përvojë që i bëjnë ato të rriten. Një profil si Modriç do të ishte i përsosur, por ne kurrë nuk kemi negociuar për të”.

Komento:

	Komenti