Duket se Real Madridi e do largimin e Gareth Bale.
Jonathan Barnett, agjenti i Gareth Bale, ka përsëritur se uellsiani synon të qëndrojë në Real Madrid sezonin e ardhshëm.
Ish-anësori i Tottenham Hotspur nuk u shfaq në asnjë nga tri ndeshjet e fundit të Los Blancos këtë sezon nën Zinedine Zidane.
“Bale nuk ka ndërmend të largohet nga Real Madrid dhe është gati të fillojë javën e ardhshme para-sezonin”, tha Barnett për ESPN.
“Ai ka një kontratë deri në vitin 2022 dhe është në dispozicion të Zidane”.
Bale është lidhur kohët e fundit me një lëvizje te Inter, ndërsa përgatitjet e para-sezonit të Realit nisin më 8 korrik.
Zidane ka thënë publikisht se nuk ka aspak nevojë për shërbimet e 29-vjeçarit edicionin e ri.