AAK shprehet e gatshme për koalicion, por jo me Vetëvendosjen.

Nënkryetari i Aleancës për Ardhmërinë e Kosovës, Pal Lekaj ka thënë se AAK’ja e ofron vetën për koalicion që të ndihmojë në formimin e qeverisë, por jo me kryetarin e Lëvizjes Vetëvendosje, Albin Kurtin.

“Aleanca është e gatshme të ndihmojë në çështjen e zhbllokimit të situatës dhe formimit të qeverisë”, është shprehur Lekaj.

Megjithatë, Lekaj i jep përparësi koalicionit LDK-VV.

“I japim përparësi koalicionit LDK-VV, por nëse nuk bëhet kjo, Aleanca e ofron vetën për ta zhbllokuar vendin”, ka thënë Lekaj.

Por, sipas tij, është e kotë të pritet partneritet nga subjektet politike LDK dhe VV.

“Është e kotë të presim një partneritet të sinqertë nga këto dy subjekte politike”, ka thënë Lekaj.

E nëse Aleanca futet në koalicion me dikë, Kurti dhe partia e tij nuk janë opsion për partinë e Haradinajt.

“Lideri ynë i ka thënë Kurtit se është mashtrues, dhe ne nuk mund të hyjmë në koalicion me një mashtrues”, përfundoi Lekaj.

Komento:

	Komenti