Kandidati për kryeministër i Lidhjes Demokratike të Kosovës, Lumir Abdixhiku, pas tubimit në Shtime, ka thënë se aty e ndjenë atë që po ndodh në gjithë vendin, e që është momentumi i madh dhe mbështetja e fuqishme që po merr kjo parti në gjithë Kosovën.

Abdixhiku, ka shtuare dhe se qytetarët po e thonë qartë atë që po e duan, e që është ndryshimi, dhe këtë po e thonë në çdo qytet, fshat e kudo në Kosovë.

‘‘LDK vjen në këto zgjedhje me listën më të mirë për të ardhmen e vendit – me njerëz të pastër dhe me përvojë, me gra e burra të dëshmuar dhe të përgatitur, dhe me profesionistë me integritet që e kanë dijen dhe guximin ta udhëheqin vendin drejt Europës’’, ka shkruar ai ndër tjerash.

Postimi i plotë:

SHTIME!

Termet! Zjarrtë! 🔥

Ne fillimin e gjysmës së dytë të fushatës sonë, në Palestrën Sportive të mbushur plot, ndjemë në Shtime atë që po ndodh në gjithë Kosovën – momentumin e madh dhe mbështetjen e fuqishme që ka Lidhja Demokratike e Kosovës anembanë vendit!

Në çdo qytet, çdo fshat dhe kudo në Kosovë, qytetarët po e thonë qartë – ata duan ndryshim!

LDK vjen në këto zgjedhje me listën më të mirë për të ardhmen e vendit – me njerëz të pastër dhe me përvojë, me gra e burra të dëshmuar dhe të përgatitur, dhe me profesionistë me integritet që e kanë dijen dhe guximin ta udhëheqin vendin drejt Europës.

5 miliardë euro investime me 5% rritje ekonomike! Ky është zotimi ynë për realizimin e programit më të kompletuar dhe më ambicioz në historinë e vendit, me projekte e iniciativa konkrete, të mirëmenduara dhe të arritshme që i adresojnë nevojat dhe pritshmëritë e të gjithë qytetarëve të Kosovës.

Me ekipin tonë të ëndrrave dhe me programin ‘Rruga e Re’, ne do ta ndërtojmë Kosovën e zhvilluar, të drejtë dhe të barabartë me vendet e tjera në familjen e madhe Europiane.

Falemnderit kryetarit të degës sonë këtu dhe kandidatit në listën tonë Kastriot Shabani për këtë organizim të jashtëzakonshëm!

Bashkë do ta ndërtojmë të ardhmen dhe do të bëhemi ndryshimi i madh për Kosovën!