Abrashi: Vetëvendosje mori mësim nga mocioni – Ora Info Ballina | ORAinfo.com - Nuk ndalet

Abrashi: Vetëvendosje mori mësim nga mocioni

21:22 | 03 Qershor 2020

Arban Abrashi tha se Lëvizja Vetëvendosje mori mësim nga mocioni.

Abrashi nga Lidhja Demokratike e Kosovës, ka folur për raportet me Vetëvendosjen, të cilat çuan në prishjen e koalicionit bashkëqeverisës.

Abrashi i cili tashmë është dhe ministër në ardhje i Infrastrukturës në Qeverinë e drejtuar nga LDK, shprehet se ishin disa veprime të ngutshme të Albin Kurtit që rezultuan me shkëputje të bashkëpunimit, njofton Klan Kosova.

”Kemi punuar bashkë në arritjen e koalicionit të mëhershëm”.

”Është punuar edhe gjatë periudhës së opozitës”.

”Ishin disa veprime të ngutshme brenda qeverisjes por edhe disa raporte të qeverisjes Kurti karshi LDK-së”.

”Kemi parë zotrin Kurti të favorizonte disa persona dhe të krijonte qasje të përçmimit”.

Ai shton në Rubikon me Adriatik Kelmendin se një nga arsyet e prishjes së koalicionit ishin raportet me SHBA-në.

”Faji parësor qëndron tek vet Kurti”.

”Si udhëheqës ka qenë përgjegjës për mbarëvajtjen e koalicionit dhe të kishte një qeverisje më afatgjate”.

”Albin Kurti shkeli disa parime për të cilat ne veç ishim pajtu, e sidomos ato me SHBA-të”.

”Edhe VV ka mësuar shumë nga mocioni. Nuk e ka besuar që do të ndodhte mocioni, sikurse se ka besuar që do të ndodhë edhe Qeveria Hoti”.

”Jemi parti shumë më të gjatë se të tjerat dhe raportet me SHBA-të janë të shenjta. Kjo ka qenë edhe një nga pikat kryesore të prishjes tonë me Lëvizjen Vetëvendosje”.

Komento: