FBI ekzekutoi një urdhër kontrolli të hënën në mbrëmje në resortin Mar-a-Lago të Donald Trump në Palm Beach, Florida, si pjesë e një hetimi për trajtimin e dokumenteve presidenciale, duke përfshirë dokumente të klasifikuara, që mund të jenë sjellë atje, raporton CNN.

Ish-presidenti konfirmoi se agjentët e FBI-së ishin në Mar-a-Lago dhe tha se “ata madje hynë në kasafortën e tij”. Ai ishte në Kullën Trump në Nju Jork kur u ekzekutua urdhri i kontrollit në Florida, tha një burim për CNN.

“Shtëpia ime e bukur, Mar-A-Lago në Palm Beach, Florida, është aktualisht nën rrethim, bastisje dhe pushtuar nga një grup i madh agjentësh të FBI-së”, tha Trump në një deklaratë të hënën në mbrëmje.

Lëvizja e jashtëzakonshme për të kontrolluar shtëpinë e një ish-presidenti ngre rrezikun për Departamentin e Drejtësisë dhe vjen ndërsa problemet ligjore të Trump vazhdojnë në fronte të shumta, shkruan CNN.

Aktualisht Departamenti i Drejtësisë ka dy hetime aktive të lidhura me ish-Presidentin, një për përpjekjen për të rrëzuar zgjedhjet presidenciale të vitit 2020 dhe 6 janar 2021, dhe tjetri që përfshin trajtimin e dokumenteve të klasifikuara.

Komento:

	Komenti