Agjenti i Papu Gomez ka flirtuar me idenë që klienti i tij të kthehet në Itali, me qëndrimet përkatëse të Milanit dhe Interit.

Sipas Calciomercato, Papu Gomez është i kënaqur me zgjedhjen që ai bëri për t’u bashkuar me Sevilla nga Atalanta, por përmes fjalëve të agjentit të tij Giuseppe Riso erdhi një hapje për idenë e kthimit potencialisht në Itali, përcjell ORAinfo.

Sevilla pagoi 7 milionë euro për argjentinasin i cili është jashtëzakonisht i lumtur me vendimin që ai mori duke pasur parasysh se marrëdhënia e tij me Gasperini ishte e pariparueshme, por – siç konfirmohet nga Riso – ideja e një kthimi mbetet konkrete:

“Ai është shumë i lumtur në Sevilje, por ai e do Italinë kështu që në të ardhmen nuk përjashtoj kthimin e tij në Serie A”, ka thënë agjenti i lojtarit.

Deri më sot, megjithëse 33-vjeçari nuk përfaqëson një përparësi apo një ide konkrete tregu për Milanin ose Interin.

Nerazzurrët nuk kanë përfunduar ende shitjet e nevojshme për të rregulluar buxhetin, ndërsa për Rossonerët gjithçka varet nga ajo që do të ndodhë me Calhanoglu dhe, në rast lamtumire, vrapimi për Rodrigo De Paul.

Megjithatë, në fund të tregut të transferimeve, mund të jetë një mundësi edhe Gomez. /ORAinfo/

Komento:

	Komenti