Kryetari i Komunës së Prishtinës, Shpend Ahmeti, përmes një shkrimi në llogarinë e tij në facebook, ka folur për refuzimin e projektit amerikan për gazin.

Ahmeti ka thënë se vendimi i Qeverisë për gazin do të ketë pasoja gjeostrategjike e gjeopolitike për Kosovën.

E sipas tij, arsyet mund të jenë mungesa e përvojës apo edhe e qëllimshme.

Tutje, Ahmeti tha se SHBA-ka nuk ka asnjë profit financiar për shitjes së gazit në Kosovë, por Kosova ka edhe një interes të vetin.

“Axhamillëku nuk është arsyetim, e lëvizja e qëllimshme nuk ka arsyetim. Megalomania të shtyn drejtë gabimeve të pafalshme”, ka thënë Ahmeti.

Më poshtë gjeni shkrimin e plotë:

Vendimi për gazin ka pasoja gjeostrategjike e gjeopolitike për Kosovën. Asnjë qeveri nuk e ka mandatin që të marrë vendime të tilla pa diskutime të gjëra. Arsyet mund të jenë mungesa e përvojes apo edhe të qëllimshme. Të dyjat janë brengosëse.

Nqs dikush mendon se ShBA ka ndonjë profit financiar prej shitjes se gazit në Kosovë e ka gabim. Mirëpo sferat e interesit që ndërlidhen me gazin janë fuqi gjysëm e butë. Gazi ka implikime të jashtëzakonshme politike për shkak të varësise energjetike nga Rusia. Prandaj ShBA na drejtojnë edhe në rreshtime. Nuk është as fillimi as fundi i botës ky projekt. Por është hap me rëndësi.

Kosova ka edhe një interes të vetin. Diversifikimi i burimeve të energjisë na zvogëlon edhe neve varësinë nga Serbia. Dështimi i termocentralit bashkë me dështimin e gazit na çon kah energjia nga Serbia ose përmes Serbise. Po të ishte duke u ndërtuar termocentrali i ri ndoshta edhe do të ishte diskutim kjo çështje.

Vëllau shumë më i madh të jep mbrojtje e shtytje kur ke nevojë. Në raste të ralla vëllau i vogël ka mundësinë që të bëj diçka që ka sadopak ndikim për vëllaun e madh.

Kujdes, një shuplakë eventuale për qeverinë, ka me na dhimt të gjithëve. Axhamillëku nuk është arsyetim, e lëvizja e qëllimshme nuk ka arsyetim. Megalomania të shtyn drejtë gabimeve të pafalshme. E në ato momente sigurisht se çifti i Lajçakut nuk na shpëton as nga Serbia e lere më nga shtetet e mëdha kundërshtare të shtetit tonë.

Komento:

	Komenti